Ereintza dantza taldearen 'Gu Agustina!' ikuskizuna, aurtengo Maiatza Dantzan egitarauan. Pilota, emakumea, bertsolaritza, musika eta dantza biltzen dituen ikuskizunak, emakumezko raketisten ibiliak ekarriko ditu plazara. Ikuskizuna maiatzaren 25ean izango da, datorren larunbatean.

Ereintza Dantza Taldeak Gu Agustina ikuskizuna eskainiko du Odietan, eta euria eginez gero emanaldia Zumaienara lekualdatuko litzateke. Agustina Otaola raketistaren inguruko ikuskizuna da. 

Dantzariak: Ereintza Dantza TaldeaBertsoak: Maddalen ArzallusKoreografia: Jon Maya

Didau Teatro Faktoriak aurtengo udararako txikientzat antzerki tailerra, kantua, dantza, antzerkia, eskulanak eta txangoak antolatu ditu.

Ekainaren 24tik uztailaren 19ra arte, 10:00etatik 13:00tara. Aste 1 125€2 aste 230€3 aste 300€4 aste 360€Plazak mugatuak dira. Informazio gehiago Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. edo 675402455.

 

Ondorengo diru laguntzak jatorriz euskaraz idatzi eta argitaratutako literatura obrak edozein hizkuntzara itzultzeko edo Euskal Autonomia Erkidegoan erroldatutako idazleek jatorriz gaztelaniaz idatzi eta argitaratutako literatura-obrak euskara ez den beste edozein hizkuntzara itzultzeko prozedura finkatzeko dira.

Diru laguntzen onuradunak izango dira bere lanbide edo xedeen artean argitalpen eta itzulpen lanak dituena.

Itzulpen lanak honako irizpide hauen arabera ordainduko dira:

a)Itzulgaiaren zailtasun maila oinarrizkoa denean, 0,012 euro karaktereko, zuriunerik gabe, jatorrizkoan zenbatuta.

b)Itzulgaiaren zailtasun maila apartekoa denean, 0,021 euro karaktereko, zuriunerik gabe, jatorrizkoan zenbatuta.

Datorren larunbatean, maiatzaren 25ean, Salatxo, Zarauzko abesbatza, Kantuz, Hernaniko abesbatza eta Aiztondo,Astigarragako abesbatzaren eskutik kontzertua izango da San Bizente Elizan, Donostian 20:30etan.

Proiektuen film luzeak ekoizteko laguntzak 2019.

Diru laguntza hauen helburua da 2019rako deialdia egitea lehia bidez, proiektuaren film luzeak ekoizteko. Honako kategorietako batean bildutako proiektuak mugatuko dira: zinematografia, kultura edo gizarte balio berezia eduki behar dute, dokumentalak izan behar dute, zinemagile berriak sartu behar dituzte edo esperimentalak izan behar dute.

Onuradunak ekoizle independenteak izango dira. Ekoizle bat baino gehiagok burututako proiektuen kasuan, hauek, azaroaren 17ko 38/2003 legeko 11.3 artikuluan aipatzen diren elkarteak izango dira.

Deialdi honen zenbatekoa 7.076.600 eurokoa da. Emandako laguntzaren gehienezko zenbatekoa 500.000 euro izango da onuradun proiektu bakoitzeko, baldin eta zenbatekoak orduan aitortuko den kostuaren %40a gainditzen ez badu.

Eskaerak aurkezteko epea 2019ko ekainaren 6an amaituko da 14:00etan.

Getariako Gazte Asanbladak beren 11. urteurrena ospatzeko maiatzaren 25erako egitaraua prestatu du. Parrilada egongo da 20:00etan Gaztetxearen atarian doan bertaratzen diren guztienentzat. Kontzertua izango da ondoren 22:30etan EH Sukarra eta Fly Shiterekin. Sarrerak salgai daude Taxco tabernan eta Gaztetxean 5€tan.

Aurten ere Zarauzko argazkilari elkarteak oinarrizko argazkilari ikastaroa eskeintzen du maiatzaren 27tik ekainaren 22ra. 20 orduko ikastaroa izango da astelehen eta asteazkenetan 20:00etatik 22:00etara. 35€ izango da bazkideentzat eta 65€ ez bazkideentzat. Izena emateko deitu 667 54 89 39 telefonora.

 

Gaur arratsaldeko 18:00etan Miriam Mendoza ipuin kontalaria izango da Orion. Saioa kultur etxeko areto nagusian egingo da eta 3 eta 6 urte arteko haurrentzat eta gurasoentzat da.

Ate irekien asteari hasiera emateko, datorren astea kontzertu pedagogikoak eskaintzen hasiko dute Zumaiako Herri Eskolan (Oikiakoak bertan) eta Zumaiena ikastetxean. Arratsaldetan berriz, Txori Txiki Musika eta Dantza Eskolan ATE IREKIEN jardunaldiak ospatuko dituzte aste osoan zehar. Edozein adineko jendea gonbidatzen dute beraien eskola barrutik ezagutu, eta Musika eta Dantza arloan dituzten zerbitzu guztiak ezagutzera.

2019/20 Ikasturterako MATRIKULAZIO epea maiatzaren 20tik 31 bitartean izango da. Musika Eskolako idazkaritzan astelehenetik ostiralera arratsaldeko 17:30-19:30. Informazio gehiago 943-86-11-83 telefono zenbakian, edo posta elektronikoan Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo..

 

Praktika eszeniko eta plastiko garaikideen eremuetan sorkuntza artistikoa indartzera bideratutako sarien deialdia ireki du Getxoartek. Ibilbide profesionalaren hasieran dauden artistei zuzenduta dago ekimena. Iaz bezala, hautatutako proiektu guztiak jendaurrean erakutsiko dira abenduan, Romo Kultur Etxean. Eskaerak aurkezteko epea 2019ko ekainaren 4ra arte egongo da zabalik, eta deialdiaren oinarri guztiak honako helbide honetan ikus daitezke: www.getxo.eus/getxoarte.

Erakusketa Programako sariak praktika artistiko garaikideari (pintura, eskultura, soinu artea, bideoa, instalazioak, zeramika, grabatua...) lotutako banakako nahiz taldeko proiektuetarako daude zabalik, bai eta ikerketa praktikoko prozesuetarako ere. Guztira, zortzi proposamen aukeratuko dira, eta horietako bakoitzak 700 euroko saria jasoko du.

Programa Eszenikoaren sariei dagokienez, metodologia esperimentalak edo forma mistoak esplora ditzaketen proiektu garaikide eszeniko-performatiboak izango dituzte xedetzat. Bost proposamen hautatuko dituzte, hainbat diziplina lan ditzaketenak: dantza, musika esperimentala, performancea, antzerkia, poesia, folkloreari buruzko ikerketa praktikoa eta abar. Sari bakoitza 1.000 eurokoa izango da. Erakusketa programa bezala, banaka nahiz taldeka aurkez daitezke lanak.

Bihar arratsaldeko 18:30etan, Aingeru Aramendi Ilarramendi getariarraren eskutik, ipuin kontaketa izango da Getariako liburutegian. “Kontuz! badator udara” izango da kontatuko duen liburua. Sarrera librea da.

 

 

Euskal Herriko Argazkilari Taldeen elkarteak eta Zumaiako Distira Argazki Elkarteak larunbat honetarako egun osorako egitaraua prestatu dute.

09:30 urteroko Batzar Nagusia antolatu dute. 39. Argizaiola argazki lehiaketako irabazlea zein den jakingo da.

Batzar Nagusiaren ondoren bi bisita egingo dituzte. Alde batetik, Forondan egiten den zeramika tailerreko erakusketa ikustera joango dira. Bestetik, San Pedro parrokiara.

Bazkalondoren. sari banaketa egingo dute eta amaitzeko, turismo bulegoak antolatuta, parte hartzaileek flyscha ikusteko bisita gidatua izango dute.

 

Forondako Zeramika tailerreko ikasleek egindako lanen erakusketa egongo da gaurtik aurrera hilaren 29ra arte Oxford aretoan. Astelehenetik ostiralera 18:30etatik 20:30etara eta asteburuetan 12:00etatik 14:00etara eta 18:30etatik 20:30etara.

  

Cristobal Balenciaga museoak, museoen Nazioarteko Egunari begira, jendeari irekitako hitzaldi bat antolatu du. Hitzaldiaren xedea da museoek beren komunitateetan eragile aktibo gisa duten zereginari buruzko gogoeta egitea. Honako hau da egitaraua:

10:00 Museoko zuzendari Miren Vivesen sarrera.10:10 Amy de la Haye Pasio baten jomugak: modaren, komunitatearen eta museoaren oinarriak.11:00 Igor Uria Cristobal Balenciaga museoaren bilduma: Ondaretik sorkuntza berrira.11:45 Kaferako etenaldia.12:15 Judith Clarck Elkarrizketak museoarekin.13:00 Bisita "Cristobal Balenciaga, Moda eta Ondarea. Testuinguruak" erakusketara.

Sarrea irekia, leku kopurua bete arte. Izena aurretik eman behar da: 943 008 840 telefonora deituta edo Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. emailara idatzita.

Igande honetan 12:00etan Enaren kontuaken kontzertua izango da Zumaian, Aita Mari aretoan. Talde hau ondorengo pertsonek osatzen dute:

Helena Casas: bateria, pandereta, piano eta akordeoia eta ahotsa.Marc Marcé: Hiru lokarriko gitarra elektrikoa, ukelelea eta ahotsa.Marc Poch: bateria, pianoa, melodikoa eta xilofonoa.Toni Vilaprinyo: baxu txikia.Sormena eta produkzioa: 2princesesbarbudesEuskerara egokitzapena: Uxue Alberdi

Talde honek enaren kontuei buruzko kantuak kantatzen dituzte: nola egiten duten habia, zer jaten duten, nola hazten dituzten kumeak, bidaiak, kantuak etabar. Beren kontzertuetako gauzarik esanguratsuenetakoa da pop erritmoak jostailuzko instrumentu musikalak jotzen kantatzen dituztela. Hona hemen erakustaldi bat.

 

Larunbat honetan, maiatzaren 18an, 13:00etan hasita, udaletxean udalbatzarraren aretoan 32. edizioko umeen literatur eta marrazki lehiaketaren sari banaketa izango da. Lan sarituei liburu bana eta oroitagiri bat emango dizkie Udalak, aurtengo lanak jasotzen dituen liburuaren ale banarekin batera.

 

Datorren igandea, maiatzak 19, 16:30etan 6 urtetik gorako umeentzako antzezlana egongo da ikusgai modelo aretoan. 50 minutuko emanaldia izango da euskaraz. Sarrerak 4€tan daude salgai Sanz Enean.

Inork oroitzen ez duen leku bat. Ondarrez, zaborrez eta behin etxe izan zirenen hondakinez inguratutako leku urrun bat. Gerrak atzean utzitako hondamendia agian? Errefuxiatu kanpamentu abandonatu bat akaso?

Edonork daki, galaxia honetako beste planeta bat, beharbada. Gizaki bakarra bizi da bertan, zortzi urteko neskatila bat: Numa. Bakarrik bizitzera ohitua, hondamendiaren erdian bere bizilekua sortzea lortu du, eta tarteka, erasoei aurre egiten ere ikasi du. Aspaldian aspertzen hasia da ordea, faltan botatzen baititu lagunak, familia eta ia oroitzen ez duen bere herria. Goiz batean, sekula jolasteaz aspertuko ez den lagun bat azaldu zaio, Ibrahim txakurra. Eta elkarrekin inoiz susmatuko ez luketen bidaia batean murgilduko dira, irudimenaren indarrari esker bakarrik egin daitekeen bidaia batean.Numak etxera itzultzeko bideari ekingo dio, bere arbasoek, desertuko nomadek, aspaldi egin zuten moduan. Izarrei jarraika.

Vaiven produkzioak eskainitako antzerkia da hau. Ostiral honetan egongo da ikusgai Aita Mari aretoan 22:00. Sarrerak 9,5€ (6€ gazte txartelarekin) Zumaiako turismom bulegoan.

Txikitako lagun koadrila bat asteburu pasa joango da landetxe batera beraietako baten ezkon aurreko agurra ospatzera. Urteak ordea ez dira alferrik pasatzen eta elkarren arteko lotura estua sentitu arren, ezer ez da garai batean bezala; edo bai…

Asteburu “eroa”  izan behar zena, are gehiago erotuko da; trapu zaharrak, esan gabeko gauzak, esandakoak, alkohola, droga eta erlauntz bat.  Esaten da erleak direla animalien erreinuan hobekien komunikatzen diren izakiak. Eta dantzan komunikatzen omen dira…

 

Donostia International Physics Center (DIPC), UPV/EHUko Kultura Zientifikoko Katedra, ZarautzOn Elkartea, Lemniskata Goierriko Zientzia Sare Herrikoia eta Tolosako Udalak antolatutako ekimena  da hau. "Jakinduriek Mundue Erreko Dau" izenburupean, hiru zientzialari eta bi bertsolari bilduko dituzte. Zientzialariek 10 minutuko hitzaldi zientifikoak eskainiko dituzte eta bertsolariek zientzialarien hipotesiak bilduko dituen bertso bat inprobisatu beharko dute. Bertsolarien artean Igor Elorza eta Alaia Martin arituko dira eta zientzialarien artean Gorka Azkune, Miren Karmele Gomez eta Oskar Gonzalez izango dira. Saioa Zine Modeloan izango da gaur 19:00etan, sarrerak doan aretoa bete arte.

Zumaiako udalak eta Distira Zumaiako Argazki elkarteak antolatuta Joxe Juan Azkueren oroimenez argazki lehiaketa antolatu dute. Aurtengo gaia lanbideak eta ogibideak dira. Epea ekainaren 15ean bukatzen da. Parte hartzeko Zumaiako Distira Elkartearen webgunera jo behar da.