Daniel Txopitea hil zenetik bi hamarkada pasa direla omentzeko egiten ari diren erakusketa ibiltarien parte da Geometriak eta Fikzioak bilduma. Lagin honetan Txopitearen ibilbide oparoko hiru lan-gorputz zehatz jorratu dira bereziki. Batetik, 'Kolosoak eta Titanak' seriea, bere azken sorkuntza-fasekoa bera. Lan honekin, Txopitea bere jatorri geometrikoen sintesi eskematizatura itzultzen da. Ikusgai daude, era berean Figurazio Fantastikoa serie ospetsuko lagin txiki bat; bizi zenean egin zituen bi eskultura bakarrak, "Pintza" eta "Ziklope zaindaria", eta bere bizitzari eta lanari buruzko dokumentala. Inaugurazioa gaur arratsaldean izango da 19:00etan Durangoko arte eta historia museoan. Ikusgai egongo da uztailaren 7ra arte.
comentarios