Larunbat honetan Tolosako Eduardo Mokoroa Musika Eskola eta Loatzo Musika Eskolarekin batera kontzertua eskainiko dute Danbolín musika eskolako ikasleek Villabonan. Arratsaldeko 17:30etan kalejira egingo dute Villabonako kaleetan zehar eta 18:30h kontzertua eskainiko dute Txistularien plazan. Kontzertuan, Danbolin Musika Eskolako ikasle txikien bandak, "Swahili Folk Hymn" joko du, eta ikasle gazteen bandak, "Loretxoa" eta "The best of Queen". Ondoren, bi bandek batera "Raimons" eskainiko dute. Kontzertuari amaiera emateko, banda guztiek batera "Xalbadorren Heriotzean" abestia joko dute.